191-р сар2018

Бүлэг: Мэндчилгээ

Берлиний хана ба Америк үзэл санаа

Өнөөдөр Берлиний хана нурсны 20 жилийн ойн түүхэн өдөр тохиож байна. Цахим өртөөний имэйл сүлжээгээр германд төгссөн Отгочулуу андын маань сэтгэл хөдөлгөсөн сайхан сэтгэгдэл иржээ. Тийм ээ. Энэ үед Улаанбаатарын хана, Москвагийн хана, бүх социалист нийгмийн хана хамт нурсан юм шүү. Хүн төрөлхтний түүхэнд хамгийн том эзэнт гүрнийг (the largest contiguous land empire) цогцлоосон Монголчууд бид тэр л өдрүүдэд дахин сэрсэн гэлтэй. Талархах хүмүүс олон бий. Гэхдээ ардчиллын эцэг Америкчуудад бид баярлах ёстой. Америк мөрөөдөл, америк үнэлэмж, америкийн Тусгаар тогтнолын тунхагт хүн төрөлхтөн баярлах ёстой. Америк хүн гэхээр пуритан, пилгримчүүд, протестантууд эсвэл индиан, англи, ирланд, герман, франц, итали, мексик, португали... гэхээсээ БҮХ ДЭЛХИЙН ХҮН ТӨРӨЛХТӨНИЙ НЭГДЛИЙГ-ийг би төсөөлдөг. Америк гэхээр Эллисийн арлын эрэг дээр ертөнцийн зовж шаналсан иргэдийг бамбар асаан угтсан ЭРХ ЧӨЛӨӨ-г би төсөөлдөг. Америк гэхээр хүн төрөлхтний хүч чадал, авьяас билэг, оюуны сор, тэдний цогцийг би төсөөлдөг

. Энэ утгаараа АМЕРИК бол онцгой "үндэстэн". Америк цус нь Ари цус биш. Америк ген нь нэг үндэстнийх биш байдгаараа бусад бүх үндэстнээс онцлог. Америк үзэл санаа нь нэг үндэстний үзэл санаа байдгүйгээрээ онцлог. Бурхны CHOSEN ард түмэн гэж байдаг бол АМЕРИКЧУУД бол chosen people юм. Яагаад гэвэл тэнд бүх үндэстэн багтдаг учир. Ямар сайндаа монголын орчин цагийн библийг монгол хэлнээ хөрвүүлэлцсэн Батжих ах маань БИ ХЭЗЭЭД Л АМЕРИК ХҮН БАЙСАН гэж ярих дуртай байхав. Тэр хүний үзэл санаа хэзээд АМЕРИК байсан юм. 80 аад онд МУИС-ын физикийн ангиас хөөгдөхдөө ч тэр америк үзэл санаанаасаа болж хөөгдсөн байдаг. Берлиний хана нурахад олон хүн оролцсон ч түүхэн энэ цаг үеийн хүнд цагт эгнэшгүй том үүрэг гүйцэтгэсэн нэгэн хүмүн байдаг. Тэр бол Ich bin ein Berliner гэж хэлсэн Жон Кеннеди, Престройка хэмээн улаан талбайд тунхагласан Горби ч бус, харин Роналд Рейган байлаа. (Роналд Рейганыг насан өөд болоход бичсэн tribute өгүүллийг эндээс сонирхоорой.) Түүхэнд нэг хүний оршихуй (роль) маш чухал байдгийг тэр дахин нотолж чадсан билээ. Сайн сайхан дандаа ялдаг. Ардчилал, эрх чөлөө, иргэний нийгэм мандтугай! Америк бол миний хоёр дахь эх орон. Эх орон гэдэг бол үзэл санаа юм! Берлиний хана нурсны 20 жилийн ойн мэнд! Монголд ардчилал хөгжсөний 20 жилийн баярын мэнд!

Д.Сайнбаярын блогоос

  • Бичсэн sainbayar
  • Үзсэн: 2783

Бүлэг: Мэндчилгээ

Гадаад харилцааны сайд С.Батболдын гадаад орнуудад аж төрөн суугаа Монголчуудад илгээсэн шинэ жилийн мэндчилгээ

Эх орноосоо харь хол газар суугаа Монгол ахан дүүсээ!

Манай гаригийн өнцөг булан бүрд аж төрөн суугаа элэг нэгт, эрхэм олон Монгол ахан дүүс Та нартаа шинэ жилийн халуун мэнд хүргэж, ирж байгаа 2009 ондоо ажил, сурлагын өндөр амжилт гаргаж, аз жаргал, баяр хөөрөөр дүүрэн амьдрахын өлзийтэй ерөөлийг өргөн дэвшүүлж байна.    

Монгол Улсын төр засаг, Монголын ард түмнийг төлөөлж Монгол Улсын Ерөнхий сайд С.Баяр Та бүхэнд хандан захидал илгээснээс хойш гурван сар гаруйн хугацаа өнгөрч байна. Түүхийн энэ ахархан мөчлөгт эх оронд чинь олон чухал үйл явдал болж өнгөрснийг Та бүхэн холбоо мэдээллийн шинэ технологи ашиглан цаг цагт нь олж мэдэж буй гэдэгт итгэлтэй байна. Монголчууд бид эе эвээ хичээх цаг үе ирснийг мэдэрч УИХ-ын сонгуульд олонхи болон олон суудал авсан намууд зөвшилцөн хамтарсан Засгийн газар байгуулж ирэх дөрвөн жилд хийх ажлынхаа мөрийн хөтөлбөрийг батлуулаад ажиллаж байна. Хамтарсан засгийн газар 2009 оныг үйлдвэрлэлийг сэргээн хөгжүүлэх жил болгон зарлалаа.

 Өнөөдөр та нар хүний газар, гүний нутагт суугаа ч эрт орой хэзээ нэгэн цагт эх болсон газар шороо, төрөлх Монголдоо эргэн ирэх ахан дүүс минь билээ. Та бүхэн улс орон, өрх бүлээ тэтгэн тэжээх гэж яваа болохоор Төр засаг эх эцэг, үр хүүхэд, ахан дүүсийн тань нэгэн адил анхаарал тавьж түших, туслах боломж бүхнийг эрэлхийлж байдагаа амаар биш ажлаар харуулахын тулд тодорхой арга хэмжээ авч байна. Энэ зорилгоор хилийн чинадад аж төрж байгаа иргэддээ шаардлагатай тохиолдолд туслах санг байгуулав. Уг сангийн үйл ажиллагаа явуулахад  шаардлагатай хөрөнгө мөнгийг ч улсын төсөвт тусган баталлаа. Цаашид гадаадад байгаа иргэддээ туслах сангийн мөнгийг нэмэх бодлого баримтлах болно. Тус сангийн үйл ажиллагааг удахгүй эхлүүлэхээр төлөвлөж буй бөгөөд Гадаад харилцааны яамнаас тодорхой мэдээллийг хэвлэл, мэдээллийн бүхий л хэрэгслийг ашиглан та бүхэндээ өгөх болно.
Улмаар гадаадад удаан хугацаагаар оршин сууж байгаа Монгол Улсын иргэдийн эрхийг хамгаалах, нийгмийн асуудлыг нь шийдвэрлэхэд тус дөхөм үзүүлэх үүднээс тусгайлсан хөтөлбөр боловсруулахаар төлөвлөж байна. Энэхүү хөтөлбөрт гадаадад байгаа иргэдийг сонгуульд оролцуулах, зарим оронд суугаа иргэдийн хоёрдмол харъяаллын асуудлыг зохицуулах, улс орны тухай мэдээллээр хангах, үр хүүхдээ эх хэл, үндэсний соёлоо мэддэг болгон хүмүүжүүлэхэд нь туслах,  “Хөгжлийн сан”-гаас хувь хүртээх зэрэг асуудлуудыг тусгана. Үүнтэй холбогдуулан гадаадад байгаа иргэдийнхээ бүртгэлийг улам боловсронгуй болгох юм.

Энд нэг зүйлийг онцлон тэмдэглэхэд, төр, засгийн анхаарлын төвд байх чухал асуудал бол гадаадад амьдарч, сурч, ажиллаж байгаа иргэдээ эх орондоо ирж амьдарч, ажиллах нөхцөл бололцоогоор хангахад чиглэсэн цогц бодлого хэрэгжүүлэхэд оршино. Тиймээс манай яам Монгол орны хөгжил, гадаад бодлого, ялангуяа худалдаа, эдийн засгийн гадаад харилцаанд таатай орчин бүрдүүлэхийн төлөө чармайн ажиллаж байна. Бид өнөөгийн зээл тусламж эрэлхийлдэг бүтцээс үйлдвэрлэл, үйлчилгээг тэтгэгч хөрөнгө оруулалтыг дэмжсэн тогтолцоо руу шилжих бодлого баримтлах болно.
Үүний эхлэл нь Монголд үйлдвэрлэсэн бараа бүтээгдэхүүний гадаад зах зээлийг өргөтгөх явдал юм. Миний бие энэ зорилгоор Үйлдвэр, худалдааны сайд байхдаа Монголд үйлдвэрлэсэн 7200 нэр төрлийн бараа бүтээгдэхүүнийг Европын холбооны 25 оронд ямар ч татваргүйгээр гаргах асуудлыг санаачилан хөөцөлдөж ажил хэрэг болгосон. Европын холбоонд Болгар, Румын нэгдэн орсноор Монгол улсад үйлдвэрлэсэн бараа бүтээгдэхүүн 27 орны зах зээлд татваргүй гарч байна. Өнгөрсөн гурван жилийн хугацаанд манай аж ахуй эрхлэгчид энэхүү хөнгөлөлтийн үр дүнд шууд бус утгаараа 11 орчим тэрбум төгрөгийн ашиг олсон гэсэн тооцоо гарчээ. Хэдхэн хоногийн өмнө Европын комисс энэхүү хөнгөлөлтөө дахин гурван жилийн хугацаатай сунгалаа.

           АНУ-тай Чөлөөт худалдааны хэлэлцээрийн эхний шат “Ил тод байдлын тухай” хэлэлцээр, Канад улстай “Хөрөнгө оруулалтыг хөхиүлэн дэмжих харилцан хамгаалах тухай хэлэлцээр”-ийг эхлүүлсэн зэрэг нааштай алхамууд хийгдсэн. Энэ оноос эхлэн АНУ-ын зах зээлд 14 нэрийн гар урлалын бүтээгдэхүүн экспортлоход тарифын хөнгөлөлт эдлэх боломжтой боллоо. 
Цаашид ч хөрш орнууд, БНСУ, Япон, Азийн орнуудын зах зээлд бүтээгдэхүүнээ гаргах замыг шулуун, дардан болгохын төлөө ажиллана.

Гадаадад байгаа манай иргэдийн дийлэнх нь миний дээр дурдсан орнуудад оршин сууж, эрдэм мэдлэг, ажлын туршлага, аж төрөхүйн арга ухааныг хуримтлуулан суугаа газрынхаа онцлог, бизнесийн орчин зэргийг хэнээс ч дутахгүй мэддэг болж буй гэдэгт итгэлтэй байна. Энэ туршлага дээрээ үндэслэн тухайн орнуудаас Монголд олгож буй худалдааны таатай нөхцөлүүдийг ашиглаад бизнес хийх боломж буйг ашиглаарай.      

Хэдхэн хоногийн өмнө Улаанбаатар хотод Монгол Улсаас гадаад орнуудад суугаа Дипломат төлөөлөгчийн газруудын Тэргүүн нарыг урьж оролцуулан гадаад харилцааны асуудлаар зөвлөлгөөн хийсэн бөгөөд энэ үеэр хилийн чанадад аж төрж байгаа иргэдийнхээ эрх ашгийг хамгаалах тухай асуудлыг нухацтай хэлэлцэн санал солилцож үүрэг даалгавар өглөө.

    Та нарын суралцаж, ажиллаж, амьдарч байгаа оронд суугаа ЭСЯ, ЕКГ-уудтай байнгын холбоотой байж эрх зүйн туслалцаа авч эрх ашгаа хамгаалуулж, санал бодлоо илэрхийлж харилцан бие биендээ туслаж, хамтран ажиллахыг би Та бүхнээсээ хүсч байна.

    Энэхүү завшааныг ашиглан Та бүхнийг өөрсдийн болон бидний үйл ажиллагаатай холбоотой санал хүсэлтээ Гадаад харилцааны яаманд шууд болон  Энэ и-мэйл хаягийг спамботоос хамгаалсан. Та үзэхийн тулд JavaScript идэвхжүүлэх хэрэгтэй. хаягаар ирүүлж байхыг хүсье.    

    Монгол ахан дүүсээ!

    Та нарын минь сурсан эрдэм, олсон туршлага, юм үзэж, нүд тайлсан ухаан чинь Монгол орны хувьд юутай ч зүйрлэмгүй үнэт баялаг билээ. Энэ нь улс орны минь хөгжлийн түлхүүр, үр хойчдоо үлдээх өв их сан гэдгийг ямагт санаж, эргэх цаг мөч бүрийг мэдлэг, дадлагаа арвижуулахад бүрэн дүүрэн ашиглаж, “хүний газар нэрээ, өөрийн нутагт ясаа” гэсэн ардынхаа мэргэн сургаалийг алхам тутамдаа мөрдөж яваа гэдэгт би өчүүхэн ч эргэлзэхгүй байна. Та бүхнийгээ эргээд ирэхийг аав ээж, амраг хань, ахан дүүстэй чинь хамт төр, засаг тань хүлээж байгаа шүү! Та нарын ард “Монгол” хэмээх ариун дагшин эх орон тань байгаа гэдгийг санаж яваарай.

Шинэ ондоо эрүүл саруул байж, ажил, амжилтаар дүүрэн байхыг хүсэн ерөөе.

Гүнээ хүндэтгэсэн


МОНГОЛ УЛСЫН ГАДААД ХАРИЛЦААНЫ САЙД

СҮХБААТАРЫН БАТБОЛД

2008 оны 12 дугаар сарын 30-ны өдөр

  • Бичсэн tamga
  • Үзсэн: 2597

Бүлэг: Мэндчилгээ

Баяр наадмын мэндчилгээ

Монгол түмний төрт ёсоо хүндэтгэн тэмдэглэдэг Yндэсний их баяр наадам, Их Монгол улс байгуулагдсаны 804, Ардын хувьсгалын 89 жилийн ой тохиож байна. Эцэг өвгөдөөс улбаалан ирсэн энэхүү Yндэсний их баяр наадам нь та бидний бусдаас ялгаран танигдах соёлын балрашгүй нэгэн толбо бөгөөд тиймдээ ч Монгол түмэн энэхүү баяраа хотол түмнээрээ тэмдэглэн өнгөрүүлдэг сайхан уламжлалтай.

Баяр наадмын энэ өдрүүдэд газар газар суугаа Монгол түмэн наадамдахаар болоод буй зар, наадамдаж буй мэдээ мэдээлэл цахим ертөнцөд түгсээр байгаа нь Монгол түмэн өдгөө дэнж биш дэлхий хотолзуулан нааддаг болсны, тэр хэмжээгээр Монгол соёлоо хадгалан яваагийн сайхан баталгаа хэмээн итгэнэ.

Газар газар, улс улсад суугаа Монгол түмэн та бүхэн төрт ёсоо хүндэтгэн дээдэлж, баяр наадмаа дэлгэр сайхан тэмдэглэн өнгөрүүлэхийн өлзийтэй ерөөлийг өргөн дэвшvvлэе.

Монгол туургатны Цахим өртөө сvлжээ

  • Бичсэн tamga
  • Үзсэн: 3379

Бүлэг: Мэндчилгээ

Мэндчилгээ

Олон улсын номын болон зохиогчийн эрхийн өдөр”-ийг тохиолдуулан манай дэлгүүрийн 4-р сарын BESTSELLER жагсаалтанд багтсан “Интернэт хэрэглэгчийн гарын авлага” номын зохиогч Цахим Өртөө сүлжээний гишүүдэд ажлын амжилт, сайн сайхан бүхнийг хүсэж Номын цагаан буян дэлгэрэх болтугай гэж ерөөе.

Интерном дэлгүүрийн хамт олноос.


 

  • Бичсэн tamga
  • Үзсэн: 2255

Бүлэг: Мэндчилгээ

Монгол улсын ерөнхийлөгч Н.Энхбаяр Цагаан сарыг тохиолдуулан ард түмэндээ дэвшүүлж буй мэндчилгээ

Normal 0 false false false EN-US X-NONE X-NONE MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin-top:0cm; mso-para-margin-right:0cm; mso-para-margin-bottom:10.0pt; mso-para-margin-left:0cm; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:"Times New Roman"; mso-bidi-theme-font:minor-bidi;}

Эрхэм хүндэт иргэд ээ,

 

Гадаад орнуудад ажиллаж, амьдарч байгаа монголчууд аа,

 

Эх орны минь дөрвөн зүг, найман зовхист баярын магнай тэнийж, таван тансаг идээ шүүсээ дэлгэн, айл саахалт, ахан дүүс, ураг садан, хотол олноороо цуглан инээд хөөр, баяр жаргал халгиж байгаа энэхүү Цагаан сарын баярын ёслолын билэгт сайн өдрийн халуун мэндийг өргөн дэвшүүлье.

Он цагийн хүрд өртөөчлөн эргэсээр, гал гахай жил хангирсан одож, бүтэн жарны таван мөчлөг бүхнийг эхэндээ магнайлан ирж буй "Хотолыг баригч" хэмээх шороон хулгана жилтэйгээ Монгол түмэн бид ийнхүү золгож байна. Манай ард түмэн жилдээ нэгэнтээ тохиох Цагаан сарыг элбэг дэлбэг, билэг дэмбэрэлтэй угтаж, ахас ихэсээ хоймроо хүндэтгэн суулгаж, үгийн сайхныг хэлж, хүлгийн сайныг унаж, өнгөний сайхнаар гоёцгоож, хөөрөг юугаа зөрүүлж, энэ өдрийг баяр баярын дээд жинхэнэ “Монгол баяр” хэмээн хүндэтгэн дээдэлсээр ирсэн өнө эртний баялаг уламжлалтай билээ.

Монголчууд сургаал үг сонсож, тэндээс сэтгэлийн их хүч тэнхээгээ сэлбэн авч, өөдлөн урагшилдаг ард түмэн болохоор энэ өдөр ахмад дээдсийнхээ болон эрдэмт багшийнхаа айлдварыг шимтэн анхаарч, үдэж буй жилээ дүгнэж, ирэх цагийн дүн нурууг өөр зуураа шинжин билэгшээн ярилцаж, юунд тэмүүлэн зорьж, юунд хүрэхээ дор бүрээ нягталдаг бөлгөө.

Ээлж халаагаа өгч байгаа гахай жил зарим үедээ хатуухан байсан ч ерөнхий дүнгээрээ улсын сан хөмрөгийг арвижуулсан чамгүй амжилт бүтээлийн жил болж өнгөрч байна. Малчин олон түмний хичээл зүтгэл, байгаль дэлхийн ивээлээр сүүлийн 80 жилд тохиолдоогүй амжилт гарч, малын тоо толгой 40 саяд хүрчээ. Уул талыг бүрхүүлэн мал сүргээ тариа будаа шиг өсгөн үржүүлж, ариун цагаан буянаар хороо хотоо дүүргэж, цагийн ямар ч хатуу хариг, ган зудыг баатарлагаар давж ирсэн сэтгэлийн их тэнхээтэй, золбоо хийморьтой, монгол нүнжиг буян хурайлж шингэсэн малчин түмэндээ баяр хүргэе.

Өнгөрч буй гахай жилд эх орны ирээдүйн гэрэл гэгээ болсон бяцхан иргэдийн маань тоо 55,8 мянгаар өссөн нь 1990 оноос хойших гараагүй нөхөн үржихүйн амжилт болж байна. Монгол эхийн ариун сэтгэл, хайр энэрэл, монгол эцгийн уужуу ухаанд түшиж, улмаар эрүүл чийрэг, хаанахын хэнээс ч дутахгүй эрдэм боловсролтой, эх оронч залуу үетэй байж гэмээнэ "Монгол гэдэг нэрийг ертөнцийн чихнээ дуурсгана" гэдгийг хэзээ ч мартаж үл болох тул ийнхүү Та бүхний нэгэн адил баярлан билэгшээж байна.

Цагаан сарын өмнөхөн "Монгол тэмүүлэл" гэж бүрнээ тодорхойлж болохуйц, Ерөнхийлөгчийн санаачилгын дагуу боловсруулсан "Мянганы хөгжлийн зорилтод тулгуурласан "Үндэсний хөгжлийн цогц бодлого”-ыг УИХ хэлэлцэн баталсан явдал нь улс орны маань хөгжин мандах зам чигийг шулуун, хүрэх зорилтыг ойрхон, хийж бүтээх үйл хэргийг тодорхой болгосон чухал үйл явдал боллоо гэж Төрийн тэргүүн миний бие тэмдэглэн сайшааж байна. Энэхүү түүхэн баримт бичиг нь улс төрийн зүтгэлтэн болон эрдэмтдийн төдийгүй жирийн иргэдийн санал бодол туссан цогц бодлого болсон нь онцлог юм. Ерөнхийлөгч миний бие энэхүү "Үндэсний хөгжлийн цогц бодлого”-ыг "гурван арван тав” хэмээн товчлон тодорхойлж болно хэмээн үзэж байна. Энэ бол Монгол Улс хэтийн хөгжлөө 15 орчим жилээр харж төлөвлөх, ингэхдээ эдийн засгийн жилийн дундаж өсөлтийг 15 хувиас доош бууруулахгүй байхыг хичээх, улмаар нэг хүнд 15 мянга орчим ам. доллар ногддог ДНБ-тэй улс орон болохыг зорино гэсэн үг юм. Энэ бол тийм ч биелшгүй зүйл, хүршгүй хоосон мөрөөдөл огт бишээ.

Гэхдээ энэхүү эрхэм зорилт аяндаа, урсгалаар биелэхгүй нь ойлгомжтой бөгөөд харин Та бидний, монгол хүн бүрийн эв нэгдэл, хүч чармайлт, оюун ухаан, эр зориг, овсгоо самбааг дээд зэргээр шалгасан сорилт шалгалтын дунд хэрэгжиж биежинэ. Хэрвээ нийтийн хүч, оюун ухааныг ингэж зангидаж, Монголоо гэсэн нэгэн зорилтын төлөө дайчлахгүй бол мэдээлэл, технологи, эрчимтэй хөгжлийн шинэ эрин зуунд Монгол орон бусад улс орны хөгжлөөс хоцрон орхигдож болзошгүй.

Тэгвэл Монгол орон түргэн хөгжих үндэс суурь тавигдсан, бодит бололцоо бүрэлдсэн орон гэдэгт Ерөнхийлөгч миний бие ямагт итгэж байдаг юм. Ийм бат бэх итгэл байгаа учир Монгол Улсынхаа төлөө бие харамгүй зүтгэх бодол санаа ямар ч үед намайг өөдрөг байлгаж, аливаа саад бэрхшээлийг давах хүч тэнхээ хайрлаж, ямар ч хар бараан үгийг цайруулж, зөвхөн урагш харах, зүтгэх, хийж бүтээх хүсэл тэмүүллийг ундруулдаг юм. Та бүхэн ч мөн адил ийм итгэлийг цээжнийхээ гүнд тээж байдаг учир монголчууд ямагт өөдрөг, уужуу сэтгэлтэй, цог золбоотой, аз хийморьтой байдаг гэж бодож байна. Хэрүүл маргаан, гүжирдлэг гүтгэлэг, атаа жөтөөгөөр хөгждөг бол Монгол Улс аль хэдийн хөгжчих байсан бизээ. Гэтэл тийм биш юм гэдгийг ойлгох цаг болсон байна. “Санаа сайн бол заяа сайн” гэж монголчууд ярьдаг нь ч санаандгүй хэрэг биш. Шуудхан хэлэхэд "Эх орны хишиг”-ийг түмэн олон хүртсэн, элбэг хангалуун амьдралтай, ард иргэд нь эрх чөлөөтэй, элдвийн айдас хүйдэсгүй сайхан Монгол орон болох ирээдүй ойрхон байна. Шударга ёсон сайн бодол санааг, сайн бодол санаа бүтээлч үйл хэргийг, бүтээлч үйл хэрэг хөгжил дэвшлийг авчирна гэдгийг хүн бүр ухаарах хэрэгтэй. Муу бүхнийг үдэж байгаа ондоо үлдээж, сайн бүхнийг угтаж байгаа ондоо буй болгохын тулд энэ бүхнийг Та бүхэнд учирлан сануулж, бас анхааруулан хэлж байна.

"Эрдэнийн зүйлээр бөөлждөг эрүү цагаан хулгана жил" гэж өтгөс дээдэс маань шинжиж, дуу магтаалдаа оруулдаг нь буян заяа хурж, хүн бүр, улмаар улс орноороо бийлэгжүү болохын бэлгэдэл хэмээн монголчууд бид үзэж, “Хувьтай хүн хулгана жилийг үзнэ” хэмээн хүндэтгэн угтдаг юм.

Ерөнхийлөгч миний бие "Хүүхэд бүрт компьютер" гэсэн төслийг санаачлан, АНУ-д айлчлах үед түүнийг хэрэгжүүлэх гэрээнд гарын үсэг зурагдсанаар манай орны ерөнхий боловсролын сургуулиудад суралцаж буй хүүхдүүдэд цахим хэрэгслийг үнэгүй олгох, тэдний гарт ирээдүйн хөгжлийн түлхүүр атгуулах буянтай ажил амжилттай эхэллээ. Гарч буй шороон хулгана жилд оюуны хязгааргүй орон зай, боломж бололцоог хэдэн мянга дахин нэмэх энэхүү санаачилга, төсөл нь боловсролын хөгжлийг урагшлуулсан үр дүнтэй бүтээлч ажил болно гэдэгт эргэлзэхгүй байна.

АНУ-ын Мянганы сорилтын сангийн 285,0 сая ам.долларын буцалтгүй тусламж мөн л хулгана жилд бүрэн агуулгаараа хэрэгжиж эхэлнэ. Энэхүү төслийг үр ашигтай, хүртээмжтэй, амжилттай хэрэгжүүлэхэд иргэд, ялангуяа иргэдийн байгууллагын анхаарал хяналт чухал гэдгийг зориуд тэмдэглэн хэлье. “Хотолыг баригч” хэмээх шороон хулгана жилд болох УИХ-ын болон орон нутгийн сонгуулийг шударга, үнэн зөв, ухаалаг болоосой гэж Ерөнхийлөгч миний бие ард түмнийхээ нэгэн адил чин сэтгэлээсээ хүсэж байна. Зөв санаа, өөдрөг бодлого, хариуцлага хүлээх чадвараараа өрсөлдөж, Монгол хүний мөс, жудагийг олондоо харуулж, бүгдээрээ дундаа нэг л Монгол эх оронтой шүү гэдгийг цаг ямагт мэдэж, бас мэдэрч байх ёстойг сануулахад илүүдэх юун. Иргэд маань саналаа өгөхдөө улс орноо хөгжүүлэх үйл хэрэгт “алд биеийн алжаалыг үл хайхран зүтгэх” чадвартай зөв хүнээ олж сонгох нь “сайн санааны үзүүрт тос” гэгчээр улсаа хөгжүүлэх эрхэм үйл хэрэгт оруулж буй үнэтэй хувь нэмэр хэмээн бодох нь зүйтэй.

Хулгана жилд Та биднийг олон чухал үйл явдал тосч байгаагийн дотор дэлхийн олон нийтийн анхаарлыг зүй ёсоор татдаг, гараг ертөнцийн хүмүүсийн эв нэгдэл, нөхөрлөл, сайн санааны билэг тэмдэг болсон Олимпийн тоглолт болно. Монгол хүн бүрийн олон жилийн хүсэл тэмүүлэл биелж, Олимпийн анхны аварга Монгол орноос минь төрж, Төрийн алтан соёмбот далбаагаа өргүүлж, Төрийн дууллаа эгшиглүүлнэ гэдэгт гүнээ найдаж, бүр итгэж байгаагаа илэрхийлэхийн хамт алдарт тамирчид, багш дасгалжуулагчидад хандан монгол хүний асар их тэсвэр хатуужил, эр зориг, хүч чадал, авхаалж самбааг бүрэн дайчлан гаргахыг ард түмнийхээ өмнөөс хүсэж байна. "Ямар хүн төрүүлснээ аав ээж нь, ямар хүн хүмүүжүүлснээ эх орон нь харах” цаг болжээ.

Энэ жилийн цагаан сараас эхлээд Төрийн ёслолын хүрээнд үйлддэг зан үйлийг Шинийн нэгний ургахын улаан нарнаар их эзэн Чингис хааныхаа хөшөө дурсгалд хүндэтгэл үзүүлэх ёслолоор эхэлж байхаар тогтлоо. Энэхүү хүндэтгэлтэй ёслолд зөвхөн төр, засгийн тэргүүн, төрийн түшээд төдийгүй нийт иргэд маань үр хүүхдүүд, аав ээж, ах дүүс, анд найз нөхдүүдтэйгээ хамт баяр хөөртэй өргөн өтгөн оролцоорой гэж хүсье.

Цагаан сар хэмээх “Монгол баяр”-ын утга учир ч ийм ажгуу.

Эрхэм хүндэт иргэд ээ,

Гадаад оронд ажиллаж, амьдарч байгаа монголчууд аа,

Та бүхэндээ арван долдугаар жарны "Хотолыг баригч" шороон хулгана жилдээ юу хүссэн есөн эрдэнийн сайн хүсэл тань биелж, хотлоороо хосгүй жаргалтай, иргэдээрээ элбэг дэлбэг, хотойшгүй баян, хорошгүй дэлгэр, өвчин зовлонгүй эрүүл энх тунх, өнөд мандахын ерөөл учралыг өргөн дэвшүүлье.

Сар шинэдээ сайхан шинэлцгээрэй.

 

Эх үүсвэр: http://www.president.mn

 

 

 

 

  • Бичсэн tamga
  • Үзсэн: 2452

Цахим Өртөө Сүлжээнд элсэх

  • Өртөөний сүлжээнд элсэх

tsahim_urtuuХэрэв та Монгол Туургатны Цахим Өртөө Сүлжээнд элсэхийг хүсвэл: http://groups.google.com/group/tsahim-urtuu-suljee хаягаар зочилж маш хялбархан бүртгүүлж болно. Та Гүүгл суурьт энэхүү сүлжээнд имэйлээ бүртгүүлснээр манай сүлжээний гишүүн болно.

 

Image Temp

Энэ хуудас нь Цахим Өртөө сүлжээний нийт гишүүдийн хамтын бүтээл байх бөгөөд ажил хэргийн санал болгоныг вэбийн хамтлаг тухай бүр нь тусган энэ хуудсанд оруулж байх болно. Хамтран ажиллаж буй, ажиллахаар зэхэж буй таньд баярлалаа.

Newsletter